წარმოიდგინეთ, რომ წყნარ ოთახში ვსხედვართ, ვუყურებთ ბაღს და ვსვამთ მწვანე ჩაის, ვსაუბრობთ წარსულის მოვლენებზე და მე გეუბნები:

-დღე, როცა ამ კაცს შევხვდი, ჩემს ცხოვრებაში საუკეთესოც იყო და ყველაზე ცუდიც.

ვფიქრობ, ამის შემდეგ თქვენ უნდა დადოთ ჭიქა და მკითხოთ:

-მაშ როგორი იყო? საუკეთესო თუ ყველაზე ცუდი? ბოლოს და ბოლოს, ის არ შეიძლებოდა ყოფილიყო ერთდროულად საუკეთესოც და ყველაზე ცუდიც.

მეც სასაცილოდ მეჩვენებოდა და გეთანხმები, მაგრამ, პარადოქსული ის არის, რომ, როცა მას პირველად  შევხვდი, ნამდვილად საუკეთესოც იყო და ყველაზე ცუდიც ჩემს ცხოვრებაში….