საინფორმაციო სიახლეები

აქ შეგიძლია გაეცნო სხვების მიერ გამოქვეყნებულ საინფორმაციო სიახლეებს ან გამოაქვეყნო შენს ირგვლივ მიმდინარე, საზოგადოებისთვის საინტერესო ახალი ამბები და გამოიმუშაო ფული...

News Feed სიახლეები ადგილობრივი საქართველოში, კანიონზე 240 მეტრის სიმაღლეზე გადაჭიმული მინის ხიდი იხსნება

  • საქართველოში, კანიონზე 240 მეტრის სიმაღლეზე გადაჭიმული მინის ხიდი იხსნება

    Posted by მარიამი PACHXATA on 28/05/2022 23:16

    წალკის (დაშბაშის) კანიონზე 240 მეტრის სიგრძის შუშის ხიდი და სხვადასხვა ატრაქციები, მათ შორის, რესტორანი და ზიპლაინი 14 ივნისს იხსნება. ინფორმაციას „ბიზნესპარტნიორი“ ავრცელებს, რომელიც პროექტის განმახორციელებელი კომპანია KASS LAND-ის დირექტორს ესაუბრა.

    ეკა თორდიას ინფორმაციით, აშენდა ეკოტურისტული ბილიკები, ვიზიტორთა ცენტრი, მიმდებარე ტერიტორიაზე ასევე სასტუმრო, კოტეჯი, რესტორანი და სხვა ტურისტული ინფრასტრუქტურა მოეწყო. როგორც თორდიამ „ბიზნესპარტნიორთან“ განაცხადა, საწყის ეტაპზე, ფუნქციონირებას 20 კოტეჯი დაიწყებს. ამავე სეზონზე კოტეჯების რაოდენობა 62-მდე გაიზრდება. რაც შეეხება სასტუმროს, მისი გახსნა მომავალი წლისთვის იგეგმება.

    შეგახსენებთ, საქართველოში პირველად, დაცულ ტერიტორიაზე – წალკის კანიონზე კერძო საერთაშორისო ინვესტიცია ხორციელდება, რომელიც ყველაზე მრავალფეროვანი ეკოტურისტული სივრცის მოწყობას გულისხმობს. პროექტს ისრაელური კომპანია KASS LAND ახორციელებს. ინვესტიცია 120 მილიონ ლარს შეადგენს.

    წალკის კანიონი ევროპაში ერთ-ერთი ყველაზე დიდი და ულამაზესი ხედებით გამორჩეული ბუნების ძეგლია, რომელიც ბუნებრივი მრავალფეროვნებითა და პეიზაჟებით საოცარ სანახაობას სთავაზობს დამთვალიერებს. კანიონი ქ.თბილისიდან 1 საათის სავალ მანძილზე, 60 კმ-ის დაშორებით მდებარე ალგეთის ეროვნული პარკის შემადგენლობაში შედის. ახალი პროექტი, რომელიც წალკის კანიონზე ხორციელდება, მნიშვნელოვან წვლილს შეიტანს ქვეყნის, განსაკუთრებით კი, რეგიონის ეკოტურიზმის განვითარებაში.

    • რედაქტირებულია: 1 month, 1 week ago
    მარიამი PACHXATA | 1 month, 1 week ago 1 Member · 0 კომენტარი
  • 0 კომენტარი

კომენტარები ჯერ არ არის. დაწერე პირველი კომენტარი...

NETSHOP