როგორი დაუჯერებელი და საშინელი წასაკითხიც არ უნდა იყოს მეჩვიდმეტე, მეთვრამეტე საუკუნეებში ევროპაში მიღებული იყო კანიბალიზმი “სამედიცინო” დანიშნულებით

დარწმუნებული ვარ თმა ყალყზე დაუდგება მკითხველს ამ სტატიის წაკითხვისას, ბევრი უბრალოდ არ დაიჯერებს, ბევრს ეჭვი შეეპარება სტატიის რეალობაში.

მაშ ვნახოთ რაზეა საუბარი და რა წყაროები ადასტურებს ამ სტატიის რეალურობას.

მეჩვიდმეტე-მეთვრამეტე საუკუნეში

ევროპაში “სამედიცინო კანიბალიზმა” იჩინა თავი, “სამედიცინო” იმდენად რამდენადაც ზოგიერთი “ვაი” ექიმის თუ “ვაი” მეცნიერის “კვლევებით” საზოგადოებას ამცნეს, რომ მიცვალებულის ნაწილების მირთმევა ხელს უწყობს ჯანმრთელობის შენარჩუნებას, მეტიც თითქოს “სამედიცინო კანიბალიზმის” მეშვეობით ადამიანმა შეიძლება გაიძლიეროს იმუნიტეტი იმ დაავადებებისაგან რის გამოც დაიღუპა გარდაცვლილი, რომელიც ხდებოდა

“სამედიცინო კანიბალიზმის დონორი”.

მაგალითისათვის-თუ ჭირით დაღუპული ადამიანის თავის ქალით დალევდა ვინმე ჩაის, ითვლებოდა, რომ მას ჭირის ეპიდემიის პირობებშიც კი არ დაემართებოდა ჭირი. დამწვარი თმების მირთმევა კი თითქოს ადამიანს თავის ტკივილს უხსნიდა სამუდამოდ.

“სამედიცინო კანიბალიზმს” დასაბამი დაუდო ეგვიპტეში გათხრებისას ნაპოვნმა მუმიებმა, კარგად შენახული მუმიების დანახვისას ბევრმა “ვაი” ექიმმა დაასკვნა, რომ მუმიის “დაგემოვნება” ადამიანის ორგანიზმს შეუვალს გახდიდა ნებისმიერი დაავადების მიმართ. გაჩაღდა მუმიებზე “ნადირობა”, მუმიებს მასობრივად ანადგურებდნენ ევროპელი კანიბალები, როგორი დაუჯერებელიც არ უნდა იყოს.